Sipas raportit të ri për ekonominë në rajonin Evropë dhe Azi Qendrore, të publikuar sot nga Banka Botërore, ekonomia e Kosovës pritet të tkurret për 8.8 për qind në vitin 2020.
Në njoftimin në Facebook nga BB, theksohet se pandemia COVID-19 ka shkaktuar rënie në eksportin e shërbimeve dhe zvogëlim të investimeve dhe konsumit.
“Qeveria është përgjigjur shpejtë duke siguruar përkrahje për firmat dhe punëtorët, megjithatë punësimi pritet të ulet ndërsa varfëria të rritet. Remitencat në rritje pritet të zbusin ndikimin e tkurrjes ekonomike. Rimëkëmbja pritet të jetë më e ngadalshme se sa është parashikuar më herët, meqenëse pandemia po zgjat më shumë se sa pritej, duke penguar kështu rritjen ekonomike në vitin 2021”, theksohet në raport.
Tutje thuhet se si një ekonomi kryesisht e bazuar në shërbime, Kosova ishte veçanërisht e ndjeshme ndaj COVID-19.
“Për të zbutur ndikimin e recesionit, qeveria duhet të vazhdojë të investojë në menaxhimin efektiv të shëndetit të shkaktuar pandemia”, theksohet tutje.
-
Banka Botërore: Ekonomia e Kosovës pritet të rritet për 4 për qind këtë vit
-
Banka Botërore: Ngadalësohet zhvillimi ekonomik në Kosovë
-
Banka Botërore: Rritja ekonomike e Kosovës, 3.8 për qind
-
Banka Botërore për Kosovën: Rritja ekonomike 3.8%, të punësuar vetëm 37% e të aftëve për punë
-
Banka Botërore: Rritja e sivjetme ekonomike në Kosovë, 3.7 për qind