Kreu i Partisë Demokratike Lulëzim Basha ka reaguar për takimin që kryeministri i Shqipërisë Edi Rama pati në Ohër me kryeministrin e Maqedonisë Veriore Zoran Zaev dhe presidentin e Serbisë Aleksandar Vuçiq.
Ai ka thënë se dështimi me integrimin evropian të Shqipërisë nuk mund të zëvendësohet nga propaganda antievropiane e një autokrati të korruptuar, duke iu referuar kështu kryeministrit Rama si shkaktar i prapambetjes ekonomike dhe varfërimit të qytetarëve shqiptarë.
“Lëvizja e lirë e njerëzve, mallrave, shërbimeve dhe kapitalit është thelbi i integrimit evropian dhe Evropës së bashkuar. Parakushte për lëvizjen e lirë janë demokracia, sundimi i ligjit dhe garantimi i të drejtave dhe lirive themelore të njeriut. Ka ardhur koha që Shqipëria të nxjerrë në dritë potencialin e saj të vërtetë!”, shkruan Basha në Twitter.
-
Samiti i BE-së zhgënjen vendet e Ballkanit Perëndimor
-
Rama në BE: Çmenduri dhe turp – kosovarët nën Jugosllavi lëviznin lirshëm, tash mbahen peng
-
Rama kërkon mirëkuptim për Serbinë që nuk sanksionoi Rusinë
-
Samiti i “Ballkanit të Hapur” në Ohër, agjenda
-
Rama pas zhvillimeve në PD: S’merrem me “kufoma gratanongrata”