-
Nga:
Ardit Kika
- 22 shkurt 2026 12:40
- Shpërndaje në:
(Lajm i përditësuar 13:56) - Protestuesit në Zajm kanë paralajmëruar protesta më radikale nëse nuk vendoset drejtësi për pronat e tyre.
Protestuesit kanë thënë se katër persona, të cilët i kanë paraqitur në prokurori, i kanë vendosur tashmë rreth 6 prona në emër të tyre dhe për 10 të tjera janë duke bërë përpjekje t'i legalizojnë.
Sipas tyre, synimi i personave që i quajtën "grup" ishte që përmes falsifikimit të fitonit nga kompensimi nga shteti në emër të pronave ku do të kalonte rruga Prishtinë-Pejë.
Por meqë rruga nuk kaloi në pjesën ku planifikohej më 2021, sipas tyre, tash motivi është që t'i të përfitojnë duke i detyruar pronarët t'i blejnë pronat e tyre për herë të dytë.
Banorët e Zajmit protestojnë, kërkojnë drejtësi për pronat
Me thirrjet “Stop harraqit”, “Drejtësi, jo padrejtësi”, banorët e fshatit Zajm të Klinës janë duke protestuar në shenjë pakënaqësie, duke bllokuar për qarkullim rrugën magjistrale Prishtinë-Pejë.
Edhe
Banorët e Zajmit pretendojnë se pronat u janë marrë me dallavere
Banorët kërkojnë drejtësi për pronat e tyre, duke pretenduar se pronat që i kanë blerë nga serbët në vitet ‘70 janë përkthyer kundërligjshëm në emër të personave të tjerë.
Protesta ka nisur orën 12:00.
