Para objektit të ish-kombinatit të lëkurë-këpucëve, në dalje të fshatit Gorazhdec, kanë protestuar të martën bashkë shqiptarë e serbë të fshatrave: Gorazhdec, Poçestë, Babiq, Millovanc e Vragoc, kundër materieve kimike që janë deponuar të premten në atë objekt nga kompania “Shala Swiss Oil”, e cila vite më parë e ka privatizuar atë kombinat.
Ato bure janë sjellë aty nga objekti kryesor në Pejë i ish-kombinatit të lëkurë-këpucëve. Qytetarët që protestuan, shprehën shqetësimet dhe frikën e tyre me dyshimet se ato bure të deponuara në atë objekt përmbajnë materie të rrezikshme kimike që mund të rrezikojnë shëndetin e tyre dhe të fëmijëve të tyre, shkruan sot Koha Ditore.
“Janë shtatë fshatra që po shqetësohemi nga ky problem. Bëhet fjalë për do kimikale që i janë sjellë. Transporti i parë që e kemi parë vetë ka qenë të premten e kaluar në mbrëmje, kur e kanë sjellë një kontingjent. I ka sjellë pronari i që e ka privatizuar kombinatin”, thotë Nikollë Krasniqi banor i fshatit Millovanc.
(Artikullin e plotë mund ta lexoni sot në “Koha Ditore”)
-
Zjarri në Deponinë e Sferkës, një protestues dërgohet në Emergjencë
-
“Zvërneci dhe Sazani nuk janë në shitje” – protestë para Ambasadës së Shqipërisë në Kosovë
-
Deponia në flakë, duhej të mbyllej më 2007
-
Zjarri në deponinë e Sferkës nuk shuhet as pas të reshurave
-
Prokuroria: Do të ketë arrestime nëse vërtetohet se zjarri në Sferkë u shkaktua nga njerëzit