-
Nga:
Mehmet Krasniqi
- 28 shkurt 2020 22:45
- Shpërndaje në:
Dy vjet nga hapja pas renovimit, Qendra e Mjekësisë Familjare numër 3, e cila gjendet në rrugën “Xheladin Kurbaliu”, është mbyllur të shtunave dhe të dielave.
Nga pjesa e vjetër e qytetit, të sëmurët duhet të shkojnë në qendër për t’u trajtuar nga mjeku, raporton emisioni 038 i KTV-së.
Një formë e tillë funksionimi është i papranueshëm për qytetarët.
Ata ankohen se të moshuarit dhe fëmijët s’mund të udhëtojnë larg për të marrë shërbime.
Prej më shumë se një vit, shërbime shëndetësore nuk kanë mundur të marrin gjatë fundjavës as banorët e lagjes së “Muhaxherëve” në Qendrën e Mjekësisë numër 11.
Sipas tyre, qendra ka pasur mjaftueshëm staf për të punuar edhe gjatë ditëve të fundit të javës.
