-
Nga:
Kushtrim Kadriu
- 28 qershor 2019 22:13
- Shpërndaje në:
Ministria e Punëve të Jashtme ka avulluar 23 mijë e 272 euro përmes shfrytëzimit të kartave të kreditit.
Pas raportimit të KTV-së, Auditori i Përgjithshëm ka konfirmuar shpenzimet e paarsyetuara me karta të kredit, të ministrit Behgjet Pacolli, zëvendësministrave, Anton Berisha, Rejhan Vuniqi, Besnik Hoti dhe të këshilltarit politik të ministrit, Jetlir Zyberaj, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNga 67 mijë e 959 eurot e paarsyetuara me kohë, Ministria e Jashtme ka arritur të arsyetojë, pas afatit kohor, 39 mijë e 87 euro.
Veç kësaj, 5,600 euro të tjera, në pamundësi të arsyetimit të shpenzimeve, janë kthyer para të gatshme nga shfrytëzuesi i kartës së kreditit.
Ndërsa, në total, të paarsyetuara kanë mbetur 23 mijë e 272 euro.
Zyra për Media e Ministrisë së Jashtme, gjatë së premtes, nuk ka kthyer përgjigje në pyetjet e televizionit rreth gjetjeve të Auditorit.
Ndërkaq, Auditori i Përgjithshëm ka vlerësuar se mosarsyetimi i shpenzimeve të udhëtimeve dhe mosmbyllja e avanseve e rrit rrezikun që paratë publike të jenë përdorur në kundërshtim me rregullat e aplikueshme.
Auditori ka kërkuar nga ministri i Jashtëm, Behgjet Pacolli, që të gjitha rastet kur zyrtarët nuk i kanë arsyetuar shpenzimet, shumat e paarsyetuara t’u ndalen nga pagat.