-
Nga:
Agim Ademi
- 30 shtator 2019 23:59
- Shpërndaje në:
Komuna e Shtimes ka përfituar një projekt madhor në vlerë prej rreth pesë milion euro nga Austria për ndërtimin e kolektorit të ujërave të zeza që përfshinë shumicën e fshatrave me një gjatësi prej 22 kilometrash.
Kontingjenti i parë i gypave nga Austria ka arritur gjatë së hënës, në qytetin e Shtimes. Hapësira në të cilën do të ndërtohet kolektori do të ketë sipërfaqe mjaftë të madhe në afërsi të fshatit Voinovc.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKryetari i komunës së Shtimes, Naim Ismajli, ka thënë se është meritë e përbashkët me stafin e tij që kanë arritur ta përfitojnë një projekt kaq madhorë për komunën e Shtimes, raporton Koha Ditore.
Ai ka njoftuar se gjatë ditës së sotme së bashku me përfaqësuesit e Kompanisë Konsulente dhe Inxhinierike nga Austria “OSTAP” kanë pritur ardhjen e kontingjentit të parë të gypave për ndërtimin e kolektorit për ujëra të zeza.
“Ky është një lajm i mirë për të gjithë qytetarët e komunës sonë për projektin më të madh e më kapital që po ndodh në komunën tonë, atij të kolektorit të ujërave të zeza”, ka thënë Ismajli.
Sipas tij, Shtimja është ndër komunat e para e cila është angazhuar në zgjidhjen e problemit për trajtimin e ujërave të zeza, andaj edhe procesi i projektit tashti do të ecë edhe më shpejt.