Këshilli Prokurorial i Kosovës të martën ka zgjedhur në mënyrë unanime Ardian Hajdarajn si kryesuesin e ri. Hajdaraj është pjesë e Prokurorisë Themelore në Pejë.
Hajdaraj, sipas njoftimit të KPK-së, është zgjedhur me mandat dyvjeçar.
Jehona Grantolli, anëtare e KPK-së nga radhët e Prokurorisë Themelore në Prishtinë, është zgjedhur në pozitën e zëvendëskryesueses, po ashtu me mandat dyvjeçar.
Pas marrjes së detyrës se re, Hajdaraj kryesoi pjesën e mbetur të takimit, “me ç’rast falënderoi për kontributin dhe përkushtimin e kryesuesit Jetish Maloku dhe zëvendëskryesuesit Veton Shabani, duke theksuar se gjatë mandatit të tyre kanë avancuar proceset gjithëpërfshirëse të veprimtarisë së sistemit prokrurorial”.
Tashmë ish-kryesuesi i KPK-së, Jetish Maloku, u zgjodh në pozitën e kryesuesit të Komisionit për Administrimin e Prokurorive, ndërsa Veton Shabani në pozitën e kryesuesit të Komisionit për Vlerësimin e Performancës së Prokurorëve.
-
Kryesuesi i ri i KPK-së zotohet t’ia forcojë integritetin këtij institucioni
-
Arian Gashi zgjidhet kryesues i Këshillit Prokurorial të Kosovës
-
Këshilli Prokurorial ia dërgon Presidencës nominimin e Zejnullah Gashit
-
KGJK-ja zgjedh kryesuesin pas një varg mbledhjesh të dështuara
-
Rrustem Thaqi zgjidhet kryesues i Këshillit Gjyqësor