Para aplikimit për të marrë statusin e vendit kandidat për anëtarësim në BE, Kosova sipas shefes së Zyrës së BE-së në Kosovë, Nataliya Apostolova, duhet të bëjë një vlerësim të realitetit, shkruan sot Koha Ditore.
Në këtë kontekst ajo ka përmendur faktin që pesë shtete të BE-së ende nuk e kanë njohur Kosovën, si dhe reformat që, sipas saj, Kosova duhet të bëjë në fushën e sundimit të ligjit, luftën kundër korrupsionit e krimit të organizuar, si dhe reformën në administratën publike.
Këto komente Apostolova i ka bërë në diskutimin e organizuar në kuadër të projektit “Forum 2015”, nga Fondacioni Kosovar për Shoqëri të Hapur, të mbajtur me rastin e publikimit të analizës “Momenti i ri i zgjerimit të BE-së, çfarë mund të përfitojë Kosova”, të gazetarëve Augustin Palokaj dhe Gjeraqina Tuhina. Si konkluzë e analizës së dy gazetarëve që raportojnë nga Brukseli, ka dalë që pas paqartësisë së të ardhmes evropiane të Kosovës të paraqitur në Strategjinë e zgjerimit të BE-së, Kosova duhet të aplikojë për ta marrë statusin e vendit kandidat për anëtarësim në BE.
(Më shumë lexoni sot në Koha Ditore)
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.
-
Apostolova tregon kohën kur Kosova duhet të aplikojë për anëtarësim në BE
- BE-ja t’ia japë shansin Kosovës - pa status kandidati dyert janë të mbyllura
-
Palatova: Kosova duhet t’i bindë 27 shtetet anëtare për statusin e kandidatit në BE
-
Osmani: BE-ja t’i vlerësojë shtetet aspiruese bazuar në vepra e jo në fjalë
-
Dy vjet nga aplikimi i Kosovës, BE-ja thotë se po bëhen diskutime në mesin e shteteve anëtare