Pagesa e pensioneve e paraparë të kryhej të hënën, është shtyrë për të martën.
Ministria e Financave, Punës dhe Transfereve ka njoftuar të hënën, se arsyeja e shtyrjes është aplikimi i shtesës prej 100 eurosh, sipas vendimit të Qeverisë në kuadër të Pakos për përballje me inflacion.
Sipas kësaj ministrie, ka qenë i nevojshëm një proces shtesë verifikimi.
“Duke shpresuar në mirëkuptim të të gjithë përfituesve, ju sigurojmë se stafi i ministrisë është duke punuar intensivisht ashtu që ekzekutimi i pensioneve me shtesën prej 100 euro të bëhet nesër që në sesionin e paradites”, thuhet në njoftimin e ministrisë.
