Vendimet e marra nga ish-ministri i Jashtëm, Glauk Konjufca janë pezulluar, ka bërë të ditur ish-shefi i kabinetit, Kreshnik Ahmeti.
“Qeveria ilegjitime paska vendosur që t’i anulojë të gjitha vendimet e kabinetit të Ministrit Konjufca”, shkruan ai.
Ahmeti ka rikujtuar vendimet e marra gjatë mandatit të ministrit Konjufca: Propozimin për kthimin e shefave të misioneve; vendimin që së paku 50 për qind e emërimeve të ambasadorëve dhe shefave të misioneve të bëhen nga anëtarët në detyrë të Shërbimit të Jashtëm të Republikës së Kosovës; që të emëruarit në pozitën e ambasadorit dhe Shefit të Misionit që nuk janë anëtarë në detyrë të Shërbimit të Jashtëm të Republikës së Kosovës të shërbejnë vetëm një mandat; si dhe vendimi për largimin e 14 konsujve, raporton KOHA
“Këto vendime të qeverisë ilegjitime janë plotësisht në shpërputhje me aktet ligjore dhe nënligjore për MPJ-në dhe Shërbimin e Jashtëm dhe janë pjesë e kapjes së shtetit dhe klientelizmit të subjekteve të cilat aktualisht janë pjesë e qeverisë ilegjitime apo shtiren se janë opozitë e saj”, ka shkruar Ahmeti.
Vendimi i plotë i MPJD-së:
-
MPJD-ja thotë se duhet të vërtetojë ligjshmërinë e vendimeve të Konjufcës
-
Konjufca: Vendimi i sotshëm i Qeverisë Hoti tregon mashtrimin e paskrupullt të elektoratit nga LDK-ja
-
Konjufca shfuqizon vendimet e emërimeve të 14 konsujve
-
“Fshesa” e ministres Gërvalla shkarkon të gjithë ambasadorët politikë
-
Shkarkohen të gjithë ambasadorët e emëruar politikisht