Ambasadori i Gjermanisë në Kosovë, Jorn Rohde, deklaroi të martën se është absurde që të rrezikohet përshkallëzimi i situatës për shkak të targave, derisa u shpreh se ka më tepër nevojë për burrështetas.
Ambasadori Rohde reagoi në “cicërimën” e ambasadorit amerikan, Jeff Hovenier, që i propozoi kryeministrit të Kosovës, Albin Kurti, ta shtyjë për 48 orë zbatimin e vendimit për gjobitjen e qytetarëve me targa ilegale.
“Mirë që kemi më tepër kohë për të punuar me palët e interesuar për gjetjen e zgjidhjes. E përsëris, është absurde të rrezikohet përshkallëzimi për targat”, deklaroi ai.
Mesnatën e së martës, kryeministri Kurti vendosi ta shtyjë vendimin për targat për 48 orë.
Kurti në Tëitter ka falënderuar ambasadorin amerikan për përkushtimin e angazhimin.
“Unë e pranoj kërkesën e tij për shtyrje prej 48 orë të fillimit të gjobës për targa ilegale ‘KM’ (dhe tjera). Jam i lumtur të punoj me SHBA-në dhe BE-në për të gjetur një zgjidhje gjatë dy ditëve të ardhshme”, ka shkruar Kurti në Twitter.
-
Kosova pranon kërkesën e SHBA-së, shtyn për 48 orë fillimin e gjobitjes për targa
-
Ambasada gjermane e cilëson absurde dhunën e mundshme në veri shkaku i targave
-
Rohde: Absurde të rrezikohet konfrontim i dhunshëm për shkak të targave
-
Gjermania kërkon shtyrjen e zgjedhjeve në veri
-
Gazetari gjerman tregon arsyen pse hoqi një pjesë të intervistës me kryeministrin Kurti