Asociacioni i Gazetarëve të Kosovës dhe Këshilli i Mediave të Shkruara të Kosovës janë shprehur të shqetësuar me fjalimin e deputetes së Vetëvendosjes, Fitore Pacolli.
Në një komunikatë për media, AGK-ja dhe KMSHK-ja thonë se në fjalimin e sotëm në Kuvend, deputetja Pacolli ka bërë thirrje për rregullim qeveritar të mediave, sidomos mediave online.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas tyre, thirrja e hapur e deputetes Pacolli për ndërhyrje direkte të Qeverisë për kontroll ndaj mediave është e papranueshme dhe paraqet rrezik për lirinë e medias në vend.
“Mediat, shumica e të cilave janë të regjistruara si biznese në ARBK, kurse një pjesë tjetër si OJQ, rregullojnë veprimtarinë e tyre nëpërmjet ligjeve përkatëse në Kosovë dhe rregulloreve të Komisionit të Pavarur të Mediave dhe Këshillit të Mediave të Shkruara”, thuhet në njoftim.
Sipas tyre, çdo tentim i Qeverisë për të ushtruar kontroll mbi mediat është tentativë e papranueshme
KMSHK-ja dhe AGK-ja vlerësojnë se ky është kërcënim serioz i pushtetit aktual kundër mediave.
“Një gjë shqetësuese që është përmendur në rezolutën e fundit dhe që nuk është përmendur viteve të mëparshme është se viteve të fundit janë vërejtur investime të mëdha private në media, përmes të cilave është krijuar mundësia e ndërhyrjes dhe ndikimit në disa mediume kryesore dhe në ato online të cilat po përdoren për qëllime biznesore dhe shantazh politik. Pra, këtu kërkojmë vëmendjen e Kuvendit dhe Qeverisë që të marrin masa dhe të kuptojmë më shumë se çfarë po ndodh me funksionimin e mediave, me transparencën si dhe identifikimin e pronësisë së mediumeve”, ka thënë të enjten deputetja Pacolli në fjalën e saj në Kuvend.