Asociacioni i Gazetarëve të Kosovës ka kundërshtuar gjuhën e përdorur nga shefi i kabinetit të Ministrit të Arsimit, Shkencës dhe Teknologjisë, Baton Dushi, i cili, e ka fyer gazetaren, Edona Kutleshi, në lidhje me publikimin e artikullit “Shefi i kabinetit të ministrit Bytyqi bën biznes me kafe në MASHT”, të publikuar më 6 nëntor në gazetën “Koha Ditore”.
Shefi i kabinetit të ministrit Bytyqi bën biznes me kafe në MASHT
Dushi me anë të një postimi në rrjetin social Facebook ka përdorur fjalë fyese në drejtim të gazetares Kutleshi duke e quajtur atë “përbindësh” dhe “jo profesionale”.
“Më vie keq që jam bërë pre mediatike e një përbindëshi të tillë! Më vie keq që kemi një gazetare të tillë jo profesionale. Ajo, në vend që të jetë vërtetë investigative, mjerisht vie dhe bëhet hiq më pak se sa llum mediatik!” thuhet ndër të tjera në postimin e Dushit.
AGK kërkon nga Dushi që të distancohet nga ky qëndrim ndaj gazetares dhe të kërkojë falje publike për gjuhën e përdorur ndaj saj, si dhe nëse ka pretendime në lidhje me artikullin në fjalë t’i ndjekë rrugët ligjore, e assesi mos të përdorë gjuhë fyese dhe denigruese në drejtim të gazetares Kutleshi.
-
Ministri i Arsimit përkrah fyerjet nga zyrtari i tij ndaj gazetares së Kohës Ditore
-
Ministrit të MASHT-it i kërkohet të distancohet nga gjuha fyese e vartësit të tij ndaj gazetares së “Kohës Ditore”
-
Përgjigje fyesve nga MASHT-i
-
BE-ja dënon sulmin e Kurteshit ndaj gazetarëve
-
AGK-ja dënon gjuhën e deputetit Abrashi