Agjencia Kundër Korrupsion ka dorëzuar kallëzim penal kundër ministres së Industrisë, Tregtisë dhe Ndërmarrësisë, Rozeta Hajdari, nën dyshimin për mosraportim ose raportim të rremë të pasurisë.
Këtë për Kohën e ka konfirmuar drejtori i kësaj agjencie, Ylli Buleshkaj.
“Ju njoftojmë se Agjencia kundër Korrupsionit (AKK), për zyrtarin në fjalë ka përcjell kallëzim penal në Zyrën e Kryeprokurorit të Shtetit lidhur me veprën penale ‘Mos raportimi ose raportimi i rremë i pasurisë, i të ardhurave, i dhuratave i dobisë tjetër materiale ose i detyrimeve financiare’ nga neni 430 paragrafi 1 të Kodit Penal të Kosovës”, ka thënë ai.
Ai ka thënë se kallëzimin penal e ka dorëzuar në Zyrën e Kryeprokurorit të Shtetit.
Lidhur me këtë ende nuk ka reaguar ministrja Hajdari.