-
Nga:
Alberta Hashani
- 1 shkurt 2019 21:48
- Shpërndaje në:
Ligji për paga do të shqyrtohet të shtunën nga deputetët e Kuvendit të Kosovës, por Sindikata e punëtorëve të Judikaturës, thotë të mos jetë në dijeni për koeficientin e tyre.
Kryetari i Sindikatës, Asllan Rusinovci, thotë të ketë kërkuar për këtë përgjigje nga Këshilli Gjyqësor dhe Prokuroria, por të mos kenë pasur as ata njohuri, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoGjatë verës së kaluar, Sindikata e punëtorëve të Gjyqësorit dhe Prokurorisë, pati hyrë në grevë për rritje page prej 100 përqind, por, si përfundim, greva ishte pezulluar.
Pezullimi kishte ardhur pas premtimit se paga e tyre bazë do të rritet për 25 përqind.
Por, nëse kjo rritje nuk ndodh atëherë ata do t’i rikthehen grevës.
Përveç Sindikatës së Judikaturës, grevës pritet t’i bashkohet edhe Sindikata e Punëtorëve të Prokurorisë Speciale të Kosovës.
Këshilli grevist i Speciales ka dalë kundër ndryshimeve që janë bërë në Ligjin për Paga.
Në një reagim thuhet se trajtimi i stafit të Prokurorisë Speciale me këtë draft-ligj është denigrues dhe demotivues për funksionim normal të punës.
Projektligji i ri për pagat ka shkaktuar pakënaqësi sociale te të gjitha kategoritë e shërbyesve civilë të administratës shtetërore.