Deputeti i ri nga radhët e LDK-së, Lumir Abdixhiku, përmes një statusi në Facebook, ka reaguar në lidhje me shkëputjen e AKR-së nga koalicioni LAA dhe për rrjedhojë edhe nënshkrimin e marrëveshjes me PAN-in.
Abdixhiku thotë se një bashkëpunim që mbështetet në “kontrabandë”, “tregtarë votash”, “mashtrim të qytetarëve” dhe që mbështetet “edhe në Beograd”, s’mund të jetë alternativë e dinjitetshme për Republikën, raporton Koha.net.
Kjo, sipas deputetit të LDK-së, është veçse një pazar i ulët, pa parime, pa moral e pa kurriz.
“Është arsye pse politika shihet sot si profesion i pistë, e Kosova si vend i pa shpresë. Qytetarët meritonin më mirë, Kosova meritonte më shumë. Triumfi i kapësve me argatë e sekserë bashkë është fitore e përkohshme e së mbrapshtës ndaj së drejtës. Si e tillë, ajo s'mund dhe s'do të ketë jetë të gjatë”, ka thënë Abdixhiku.
-
Abdixhiku: Koha për bashkim të njerëzve që e duan një Kosovë normale, pa dramë, pa propagandë
-
Abdixhiku për manipulimin e votave: Pasoja do të ketë, na prisni pas Kuvendit
-
Rama lavdëron Abdixhikun: Përfaqëson një model të lidershipit të përgjegjshëm
-
Abdixhiku fton Kuvendin e LDK-së, paralajmëron dorëheqje
-
Abdixhiku në mbyllje të fushatës: Pa LDK-në s’ka stabilitet institucional