Kryetari i GP të AAK-së, Besnik Tahiri, e ka vendosur një pankartë te foltorja e Kuvendit të Kosovës.
Në të shihen dy flamuj, ai i NATO-s dhe i SHBA-së, me mbishkrimin “Edhe nëse Qeveria harron, populli nuk harron”.
Opozita e ka akuzuar Qeverinë në javët e fundit për prishje të marrëdhënieve me SHBA-në, pas insistimit të Qeverisë që kryetarët e zgjedhur në katër komunat në veri të punojnë nga objektet komunale, pavarësisht tensioneve që kanë pasuar nga ky veprim.
Bashkësia ndërkombëtare e NATO kanë kërkuar nga Kosova që të ndërmarr hapa të menjëhershëm për shtensionimin e situatës në veri.
Më 29 maj tensionet patën përshkallëzuar duke çuar në dhunë të protestuesve të cilët plagosën ushtarë të KFOR-it, policë të Kosovës e sulmuan mediat.
Artikuj të ngjashëm