Arbëri

Për vrasjen që tronditi Kosovën flasin karaçevasit, shkolla në zi

Ngjarje e rëndë ka ndodhur të mërkurën pas mesnate në Karaçevë të Poshtme të Kamenicës.

Fëmija 14-vjeçar Luan Bernjashi është rrahur për vdekje nga babai i tij.

60-vjeçari e ka mbajtur për disa orë në shtëpi djalin e tij dhe tek rreth orës 1 pas mesnate e ka dërguar në Qendrën kryesore të Mjekësisë Familjare në Kamenicë, raporton KTV.

Por, aty vetëm është konstatuar vdekja e tij.

Familjarët e Luanit nuk kanë dashur të prononcohen, por fqinjët e tij tregojnë që Ganiu tërë ditën e ka kaluar duke kërkuar lëmoshë.

Edhe shkolla fillore “Asllan Thaçi”, ku kishte ndjekur mësimet i ndjeri, ka ndërprerë mësimet.

Fillimisht, kur u dërgua në QKMF, familjarët kishin thënë që Luani është aksidentuar me motoçikletë.

Por, Policia shpejt kishte arritur të zbulojë rastin që e ka cilësuar si vrasje të rëndë dhe e ka ndaluar në mbajtje vrasësin.

Sipas Policisë, 60-vjeçari Gani Bernjashi ka qenë i arrestuar edhe më parë për vepra të ndryshme.