Koha.net mëson se Policia e Kosovës ka arrestuar nëntë protestues para Rektoratit të Prishtinës.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPërleshje mes studentëve dhe Policisë para Rektoratit
Studentët të cilët penguan fjalën e rektorit Marjan Dema brenda ceremonisë ku po shënohej 47 vjetori i themelimit të UP-së, janë përleshur me Policinë e Kosovës.
Para pak çastesh, në vend të ngjarjes ka arritur edhe një auto-ambulancë dhe shihet se disa studentë janë të lënduar.
Studentët protestojnë në ceremoninë e 47 vjetorit të themelimit të UP-së
Në ceremoninë që po zhvillohet për të shënuar 47 vjetorin e themelimit të Universitetit të Prishtinës “Hasan Prishtina, në objektin e Rektoratit të UP-së, planet nuk shkuan sipas agjendës.
Kjo pasi një grup studentësh kanë ndërprerë fjalën e rektorit të UP-së, Marjan Dema, të cilët brohorisnin me fjalët “ne jemi studentë, ju jeni pushteti”, duke penguar për disa minuta fjalën e tij, raporton Koha.net.
Po ashtu, ata i janë drejtuar rektorit me fjalët, “e keni shkatërruar UP-në”.
Ata janë larguar nga sigurimi, ndërsa ata janë përleshur edhe me policinë e Kosovës jashtë ndërtesës së Rektoratit.
Në këtë rast është përdorur edhe spreji lotsjellës nga forcat policore për të larguar studentët e revoltuar.
© KOHA. Të gjitha të drejtat janë të rezervuara.