67 gjoba për ngasjen e biçikletave dhe trotineteve në shesh

Me ngritjen e çmimit të naftës në BERZH, është rritur edhe numri i përdoruesve të biçikletave dhe trotineteve elektrike.

Përdorimi i tyre është rritur dukshëm edhe në Prishtinë, të cilët po përdoren si mjet transporti për vajtje në punë.

Për shkak të mosrespektimit të rregullave të trafikut, ngasja e tyre po rrezikon qytetarët.

Në hyrje të sheshit të Prishtinës ku ekziston shenja “ndalim-qarkullimi për biçikleta”, qarkullimi nuk lejohet as për trotinete elektrike. Por, një gjë e tillë nuk po respektohet.

Me shpejtësi të madhe të lëvizjes ata po rrezikojnë qytetarët në pjesën ku është e dedikuar vetëm për ecje.

Për mosrespektimin e sinjalistikave, Policia e Kosovës gjatë gjithë kohës po shqipton dënime. Sipas tyre, vetëm gjatë muajit qershor në Prishtinë kanë shqiptuar 36 kundërvajtje për këta vozitës.

“Vetëm përgjatë muajit qershor, në kuadër të aktiviteteve të gjithmbarshme policore veç tjerash, janë shqiptuar edhe tridhjetegjashtë fletëparaqitje për ngasësit e biçikletave dhe trotineteve elektrike ose e-skuterëve. Këto masa administrative janë shqiptuar ndaj kundërvajtësve që nuk kanë respektuar sinjalistikën e vendosur në hyrje-dalje të shesheve apo zonave të caktuara ku qarkullimi me mjete të tilla është i ndaluar”, ka thënë Policia.

Edhe Arbëri 10 qer 2023 Ligji i ri për trafik vjen me 200 euro gjobë për trotinetet në sheshe

Vozitja me shpejtësi të madhe me trotinetet elektrike apo e-scooters po rrezikojnë edhe vetë ngasësit.

Ndryshe, Komuna e Prishtinës tashmë ka bërë të ditur se rregullorja për E-Scooters do të dalë së shpejti në diskutim publik.

Sipas kësaj rregulloreje, shpejtësia maksimale e vozitjes së tyre do të jetë 25 km/h dhe ngasja do të lejohet vetëm nga personat mbi 15 vjeç