KFOR-i do të forcohet me 700 ushtarë shtesë

Sekretari i përgjithshëm i NATO-s, Jens Stoltenberg, ka treguar se në Kosovë do të dislokohen 700 trupa nga Forca Rezervë Operacionale për Ballkanin Perëndimor për në Kosovë.

Stoltenberg ka thënë se po ashtu do të vendoset në gatishmëri të lartë edhe një batalion shtesë.

Stoltenberg në një konferencë për media në Norvegji i ka bërë sërish thirrje Kosovës dhe Serbisë të marrin hapa konkret për ulje të tensioneve.

“Ne do të vazhdojmë të veprojmë sipas mandatit që buron nga OKB-ja. Ne kemi vendosur të dislokojmë 700 trupa shtesë nga Forca Operacionale Rezervë për Ballkanin Perëndimor. Po ashtu kemi vendosur në gatishmëri një batalion shtesë, që të zhvendoset nëse duhet. Këto janë hapa për të garantuar se KFOR-i ka forcën dhe aftësinë për të vepruar sipas mandatit që e ka. Dhuna kthen Kosovën prapa e po ashtu të gjithë rajonin. I vendos në rrezik aspiratat euroatlantike. Prishtina dhe Beogradi duhet të marrin hapa konkret për t’i ulur tensionet. Të frenohen nga veprimet e papërgjegjshme e të angazhohen në dialogun e lehtësuar nga BE-ja, që është rruga e vetme”, ka thënë Stoltenberg. 

Stoltenberg ka dënuar sulmin ndaj ushtarëve të KFOR-it në Zveçan të hënën, ku u lënduan 30 ushtarë.

Edhe Arbëri 7 qer 2023 Stoltenberg: Dhuna po i kthen prapa Kosovën dhe të gjithë rajonin

“Ne e dënojmë sulmin e paprovokuar. Është e papranueshme dhe duhet të ndalet”, ka thënë Stoltenberg.

#NATO Secretary General @jensstoltenberg: we have decided to deploy within days 700 more troops to #Kosovo, and put additional forces on higher readiness. These are prudent steps, ensuring @NATO_KFOR has the forces & capabilities it needs to fulfil its UN mandate.

?⬇️ pic.twitter.com/jGb5rC8Rv1

— Oana Lungescu (@NATOpress) May 30, 2023