Në Klinikën Infektive të Qendrës Klinike Universitare, sipas raportit ditor, sot gjenden të hospitalizuar gjithsej 49 raste të konfirmuara me Covid-19.
Përmes një njoftimi në facebook nga SHSKUK, 40 raste janë në gjendje stabile, 7 raste janë në gjendje të rëndë në trajtim me oksigjenoterapi dhe përkujdesje intensive.
“Në mjekimin intensiv të klinikës, në gjendje të rënduar janë tre pacientë, prej të cilëve dy raste janë në ventilim mekanik”, thuhet në njoftim.
Sa i përket stafit të Klinikës Infektive, dje është konfirmuar pozitiv për Covid -19 edhe një infermiere, duke çuar në 5 numrin e të infektuarve.
“5 infermieret e infektuara me Covid -19, janë në gjendje të mire shëndetësore”, thuhet tutje në njoftimin e SHSKUK.
Sipas njoftimit, dy prej tyre janë në vetizolim dhe tri infermiere janë të hospitalizuara në klinikë, prej të cilave, njëra ka rezultuar negativ në dy mostrat e fundit dhe lirohet në shtëpi.
-
43 pacientë me COVID-19 të hospitalizuar në Infektive
-
Në Infektivë po trajtohen 23 persona me koronavirus, një në gjendje kritike
-
Nga 8 të infektuarit e shtrirë me koronavirus në Infektivë, 1 në gjendje kritike
-
Në Infektivë 7 pacientë me koronavirus, 2 në mjekim intensiv
-
Në Infektivë janë 15 persona me koronavirus, 2 në gjendje të rëndë