I digjen dy lokale nënkryetares së Zveçanit

Nënkryetares së Komunës së Zveçanit, Natasha Tomaniq, i janë djegur dy lokale të cilat ndodhen ngjitur me njëri-tjetrin në qendër të Zveçanit.

Rasti ka ndodhur në orët e para të së premtes.

Sipas raportit të Policisë Tomaniq ka thënë se dyshon që zjarri i është vënë qëllimshëm nga persona të dyshuar.

“Ankuesja femër kosovare ka informuar se persona të panjohur i kanë vënë zjarrin butikut të saj, zjarrfikësit kanë shuar zjarrin. Lidhur me rastin ankuesja dyshon se zjarri i është vënë qëllimshëm nga persona të dyshuar. Sipas ankueses, vlera e dëmit është e lartë. Rasti është duke u hetuar”, thuhet në raportin e Policisë.

Në një përgjigje për KP-në, Tomaniq ka thënë se dyshon që këtë akt e kanë kryer Lista Serbe dhe “Brigada e Veriut”.

Edhe Arbëri 8 mar 2024 Tomaniq fajëson Listën Serbe e “Brigadën e Veriut” për djegien e lokalit

"Dyshoj në ‘Severna Brigada (Brigada e Veriut)’ dhe në Listën Serbe se e kanë kryer këtë akt. Kjo për faktin se unë jam e punësuar në një institucion të Republikës të Kosovës, ku politikat tona janë në kundërshtim me atë të tyre”, ka theksuar ajo.

{gallery}

VIDEO:

Për këtë ka shkruar edhe zëvendësministri i Administrimit të Pushtetit Lokal, Arbër Vokrri, i cili ka thënë kjo është përpjekje për “t’i frikësuar serbët e çliruar nga thundra e terroristëve të Listës Serbe”.

“Banditët ia dogjën dy lokalet e saj zv.kryetarës së Komunës së Zveçanit, znj. Natasa Tomanic , në përpjekjen e kotë për t'i frikësuar serbët e çliruar nga thundra e terroristëve të Listës Serbe. Kjo vjen një muaj pas bllokimit të paligjshëm të biznesit të familjes së zv.kryetares së Mitrovicës Veriore znj. Katarina Agjançiq nga regjimi i Vuqiçit dhe dy muaj pas djegies së veturës së kryesuesit të Kuvendit Komunal të Leposaviqit, z. Gorski Buriç”, ka shkruar Vokrri në Facebook.

Edhe Arbëri 26 kor 2024 U vihet zjarri dy veturave të Komunës së Zveçanit

Sipas tij kjo ndodh sa herë që “ndërkombëtarët i kërkojnë Republikës së Kosovës të heqë dorë nga sovraniteti”.

“Terroristët dhe banditët ndihen të trimëruar sa herë që ndërkombëtarët i kërkojnë Republikës së Kosovës të heqë dorë nga sovraniteti dhe zbatimi i ligjit”, ka shkruar Vokrri.