Arbëri

Kosovarët i morën mbi 137 milionë euro kredi gjatë janarit

Descriptive Text

Banka Qendrore e Kosovës (BQK) ka njoftuar se në janarin e këtij viti bankat në Kosovë lëshuan kredi në vlerë të 137.9 milionë eurove.

Në raportin e publikuar të enjten, BQK-ja njoftoi se 90.4 milionë euro është vlera e depozitave, ndërsa 7.36 miliardë euro vlera e aseteve bankare.

“Ndërsa, 6.38 për qind është norma e interesit në kredi, e 2.74 për qind norma e interesit në depozita. 81.6 për qind konsiderohet të jetë raporti kredi-depozita. Sipas raportit, kapitali u bankave komerciale për këtë muaj ishte 879.6 milionë euro. Vlera e kredive të reja në muajin janar 2024 ishte 137.9 milionë euro, derisa shuma e depozitave të reja arriti në 90.4 milionë euro. Po ashtu, norma mesatare e interesit në depozita ishte 2.74%, ndërsa norma mesatare e interesit në kredi ishte 6.38%”, thuhet në njoftim.

BQK-ja ka njoftuar se 84 milionë euro u dërguan nga mërgata në Kosovë gjatë janarit të këtij viti.