Gjykata Themelore në Prishtinë ka aprovuar si të bazuar padinë e studentëve ndaj Universitetit të Prishtinës “Hasan Prishtina”, për rastin e votimit të anëtarëve të rinj të Këshillit Drejtues.
Këtë e ka bërë të ditur Unioni i Demokratik Studentor, i cili ka njoftuar se më datë 24.06.2022 në mënyrë të kundërligjshme dhe me forca policore, studentët senatorë, janë privuar nga e drejta e votës për zgjedhjen e anëtarëve të Këshillit Drejtues, duke u larguar dhunshëm nga ndërtesa e rektoratit të UP-së.
Me këtë rast është thirrur edhe një konferencë për media, e cila do të mbahet më 12 shtator para ndërtesës së Rektoratit.
Ndërkohë, studenti i nivelit mastër, Shpat Krasniqi ka publikuar vendimin e gjykatës, ku ka shkruar se Gjykata Themelore e ka nxjerrë një aktgjykim ku rektori i Universitetit të Prishtinës është zgjedhur vitin e kaluar në mënyrë të jashtëligjshme, bashkë me Këshillin Drejtues.
“E kam thënë dhe vitin e kaluar, u vërtetua dhe sot: Ata njerëz, përveçse kanë marrë pozita pa asnjë predispozitë ligjore, ata janë dhe njerëz politikë”, ka shkruar ai.
Përndryshe, Gjykata anulon vendimin e datës 02.09.2022, i senatit të UP-së dhe çështja kthehet në rishqyrtim dhe rivendosje tek e paditura. /KSP
-
Apeli kthen në rigjykim zgjedhjen e strukturave udhëheqëse në UP
-
Parlamenti Studentor e quan të porositur vendimin e Gjykatës për procesin e zgjedhjes së anëtarëve të KD-së
-
Gjykata u jep të drejtë ish-studentëve senatorë, kërkohet dorëheqja e anëtarëve të KD-së dhe rektorit
-
ORCA: Këshilli Drejtues i UP-së ka pesë anëtarë ilegalë, të përsëritet zgjedhja e tyre
-
Supremja shfuqizon pjesë të rregullores së UP-së për avancimin e stafit akademik