Ministri i ri i Mbrojtjes, Ejup Maqedonci, ka pritur të hënën në takim komandantin e KFOR-it, gjeneralmajor Angelo Michele Ristuccia.
Në këtë takim ku u diskutua për situatën e sigurisë në vend, të dy kanë theksuar vazhdimin e bashkëpunimit mes dy institucioneve, në kuadër të mandateve që kanë.
Ministria e Mbrojtjes ka bërë të ditur se Maqedonci e ka njoftuar komandantin e KFOR-it lidhur me proceset aktuale si dhe për synimet për integrim në organizatat euroatlantike.
“Në këtë takim u bisedua lidhur me situatën e sigurisë në vend, ku të dy bashkëbiseduesit e theksuan se bashkëpunimi i ngushtë mes Ministrisë së Mbrojtjes dhe FSK-së me KFOR-in do të vazhdojë edhe më tej në kuadër të mandateve që kanë, në shërbim të sigurisë së gjithë qytetarëve të Republikës së Kosovës”, thuhet në njoftim.
© KOHA. Të gjitha të drejtat janë të rezervuara.
