Emisari i BE-së për dialogun Kosovë – Serbi, Miroslav Lajçak, ka përfunduar takimin e dytë në Beograd me presidentin e Serbisë, Aleksandar Vuçiq.
Ai ka thënë se ka dëgjuar mendimet e Vuçiqit në lidhje me Aneksin e Zbatimit dhe Marrëveshjen e Be-së.
Lajçak ka thënë se pasi ka marrë mendimet e autoriteteve në Kosovë dhe Serbi, po i finalizon tash përgatitjet për takimin në Ohër të shtunën.
“Përfundova takimin tim të dytë me presidentin Aleksandar Vuçiq për të dëgjuar komentet e tij për Aneksin e Implementimit dhe rrugën para në Marrëveshjen e BE-së. Kam marrë reagimet nga dyja palët, tash do të finalizojmë përgatitjet tona para takimit në Ohër të shtunën”, ka shkruar Lajçak në Twitter.
Finished my second meeting with @predsednikrs @avucic to hear his comments on the Implementation Annex and the way forward on the EU Agreement. Having received feedback from both Parties, we will now finalize our preparations ahead of the meeting in Ohrid on Saturday. pic.twitter.com/HMIfZbNdRs
— Miroslav Lajčák (@MiroslavLajcak) March 14, 2023
