Federata Ndërkombëtare e Gazetarëve (IFJ) dhe ajo Evropianë (EFJ) kanë ngre alarm për kërcënimet e sulmet ndaj gazetarëve që ndodhën në veri të Kosovës në dhjetor.
IFJ dhe EFJ kanë thënë se ndodhën gjashtë sulme ndaj gazetarëve në veri të Kosovës gjatë tensioneve në dhjetor. Ndërsa kanë bërë thirrje ndaj autoriteteve, përfshirë këtu Policinë e Kosovës, EULEX-in e KFOR-in, që të merren masa për të garantuar sigurinë e gazetarëve në terren.
“Sulmet kundër gazetarëve dhe punonjësve të mediave janë të papranueshme. Ne mirëpresim përparimin që është bërë për t’i ulur tensionet dhe kërkojmë nga autoritetet të marrin masat e duhura për ta garantuar sigurinë e gazetarëve që raportojnë në terren. Shumë raste të zhdukjeve e vrasjeve të gazetaraëve në rajon ende janë të pandëshkuara. Kjo është arsyeja pse miratimi i një Konvente të OKB-së për siguri dhe pavarësi të gazetarëve është shumë e nevojshme”, ka thënë Sekretari i Përgjithshëm i IFJ-së, Anthony Bellanger.
Po ashtu edhe sekretari i përgjithshëm i EFJ-së, Ricardo Gutierrez, ka bërë thirrje që të bëhet përparim në garantimin e sigurisë për gazetarët.
“Jemi të lehtësuar kur dëgjojmë se tensionet janë ulur pasi serbët filluan të hiqnin barrikadat në veri të Kosovës më 29 dhjetor, por përpjekjet diplomatike duhet të vazhdojnë në mënyrë që gazetarët të mund të veprojnë të sigurtë në rajon”, tha Gutierrez. “Tani duhet të bëjmë përparim në dialogun e nevojshëm për të garantuar sigurinë e gazetarëve, por edhe për të bërë më në fund përparim në shumë raste të vrasjeve dhe zhdukjeve të gazetarëve në rajon, të cilat nuk janë ndëshkuar”.
© KOHA. Të gjitha të drejtat janë të rezervuara.
