Raportuesja e Parlamentit Evropian për Kosovën, Viola von Cramon, ka thënë se mirëpret vendimin e gjykatës që t’ia ndërrojë masën e paraburgimit ish-policit Dejan Pantiq, dhe ta dërgojë atë në arrest shtëpiak.
Von Cramon ka thënë se pas këtij vendimi, duhet të hiqen menjëherë barrikadat në veri dhe të ketë një ulje të plotë të tensioneve.
“E mirëpres ngrohtësisht vendimin e gjykatës për të dërguar Dejan Pantiqin, në arrest shtëpiak. Kjo duhet të çojë në largim të menjëhershëm të barrikadave në veri të Kosovës dhe ulje të plotë të tensioneve. Përkrahje të plotë për EULEX-in dhe KFOR-in në mbikëqyrje të kësaj”, ka shkruar Von Cramon në Twitter.
I warmly welcome the court decision to send Dejan Pantić, #Kosovo police officer, to the home custody.
— Viola von Cramon ???? (@ViolavonCramon) December 28, 2022
This should lead to the immediate removal of barricades in the #North of ?? and full de-escalation.
Full support for @EULEXKosovo and @NATO_KFOR in overseeing it.
