Kryeministrja e Serbisë, Ana Bërnabiq, i është kundërpërgjigjur presidentes së Kosovës, Vjosa Osmani, duke thënë se serbët do të fitojnë në barrikada dhe se kryeministri Albin Kurti, do të dështojë.
Bërnabiqi i ka reaguar deklaratës së Osmanit në Twitter, që akuzon Serbinë dhe presidentin e saj Aleksandar Vuçiq për pjesëmarrje në sulmet ndaj gazetarëve në veri ditëve të fundit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Më në fund, jam plotësisht dakord me Osmanin: do të fitojë demokracia dhe shteti i së drejtës. Prandaj barrikadat, serbët po mbrojnë të drejtën e tyre për të votuar (që ju ua keni hequr), të drejtën e tyre për një proces të drejtë (të cilën ju ua keni mohuar) dhe Marrëveshjen e Brukselit. Ata do të fitojnë dhe Kurti do të dështojë”, ka shkruar kryeministrja serbe në Twitter.
Përveç Osmanit, sulmet ndaj gazetarëve në veri i ka dënuar edhe ambasadori amerikan në Kosovë, Jeff Hovenier. Shoqata e ndryshme evropiane të gazetarëve përveç se kanë dënuar sulmet, kanë kërkuar më shumë siguri gjatë raportimit nga veriu.
Barrikadat në veri të Kosovës janë vendosur që nga 9 dhjetori, si kundërshtim për arrestimin e ish-policit Dejan Pantiq, që dyshohet se organizoi sulmet ndaj komisioneve komunale zgjedhore.