Sulmet në veri, SHBA-ja kërkon që fajtorët të sillen para drejtësisë në Kosovë
Foto: Driton Paçarada\KOHA
Ambasadori i SHBA-së në Kosovë, Jeffrey Hovenier, ka dënuar fuqishëm sulmin me shok-bomba ndaj pjesëtarëve të EULEX-it të shtunën në afërsi të barrikadave në Rudar.
Hovenier ka thënë se sulmet e dhunshme ndaj Policisë së Kosovës dhe personelit ndërkombëtarë të sigurisë janë të papranueshme. Ai ka bërë thirrje që përgjegjësit të sillen para drejtësisë, sipas sistemit gjyqësor të Kosovës.
“SHBA-ja i bashkohet EULEX-it në dënimin e fuqishëm të sulmit ndaj patrullës së EULEX-it mbrëmë. Sulmet e dhunshme ndaj Policisë së Kosovës dhe personelit ndërkombëtarë të sigurisë janë të papranueshme dhe përgjegjësit duhet të mbajnë përgjegjësi sipas sistemit kosovar të drejtësisë”, ka shkruar Hovenier në Twitter.
The U.S. joins #EULEX in strongly condemning the attack on a @EULEXKosovo patrol last night. Violent attacks on Kosovo Police and international security personnel are unacceptable and those responsible must be held accountable through the Kosovan justice system. https://t.co/WZvtW5CE56
