Menaxhmenti i SHSKUK-së s’përgjigjet nëse foshnja në barkun e shtatzënës do të mund të shpëtohej
Ushtruesja e detyrës së drejtoreshës së Shërbimit Spitalor, Klinik, Universitar të Kosovës (SHSUK), Pranvera Zejnullahu-Raçi, nuk ka komentuar vrasjen e shtatzënës në oborrin e Gjinekologjisë.
Ajo pas mbledhjes së Komisionit për Shëndetësi dhe Mirëqenie Sociale, është pyetur nga gazetarët se a do të jap dorëheqje dhe nëse fëmija në barkun e shtatzënës së vrarë do të mund të shpëtohej.
Por Zejnullahu-Raç nuk ka folur fare para mediave.
KOHA ka pyetur SHSKUK-në lidhur me atë se pse nuk është bërë përpjekje nga mjekët që fëmija të shpëtohet. Po deri në këto momente nuk ka marr përgjigje.
Shtatzëna 35-vjeqare dyshohet se të mërkurën mbrëma është qëlluar për vdekje nga bashkëshorti, me të cilin ka qenë në proces të ndarjes. I dyshuari për vrasje gjendet ende në arrati.
