Ambasadori i Shteteve të Bashkuara të Amerikës në Kosovë, Jeffrey Hovenier, e ka përgëzuar Kosovën për renditjen në vendin e parë në Ballkanin Perëndimor për sundimin e ligjit nga World Justice Project.
Ai ka përmendur se është viti i dytë me radhë që Kosova përmirëson renditjen në këtë indeks vjetor.
“Përgëzime Kosovës që u rendit në mesin e vendeve që më së shumti janë përmirësuar në Indeksin e Sundimit të Ligjit në Projektin Botëror të Drejtësisë 2022. Ky është viti i dytë me radhë që Kosova përmirëson renditjen e përgjithshme”, ka shkruar Hovenier në Twitter.
Congratulations to Kosovo for ranking among the top improvers globally and most improved in the region in @TheWJP 2022 Rule of Law Index. This is the 2nd year in a row that ?? improved its overall country rank. More: https://t.co/tbK1zUDWS9
— Ambassador Jeff Hovenier (@USAmbKosovo) October 27, 2022
Në Indeksin vjetor të Sundimit të Ligjit “World Justice Project”, i publikuar të mërkurën, Kosova radhitet pas Hondurasit sa i përket përmirësimeve në këtë aspekt, duke u radhitur si shteti i dytë në botë për përmirësim në fushën e sundimit të ligjit për vitin 2022.
