Në takim me deputetin ukrainas, Oleksiy Goncharenko, të enjten në Prishtinë, kryeministri i Kosovës, Albin Kurti, u shpreh se është e rëndësishme që të vazhdohet mbështetja për Ukrainën, nga vendet demokratike.
Në komunikatën e Zyrës së kryeministrit thuhet se Kurti e Goncharenko diskutuan për agresionin rus, situatën në rajon, raportet e Kosovës me vendet e Ballkanit Perëndimor dhe për “raportet e afërta të Serbisë me Rusinë”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Ata gjithashtu folën edhe për mundësitë e bashkëpunimit parlamentar në kuadër të Asamblesë Parlamentare të Këshillit të Evropës, organizatë kjo në të cilën Republika e Kosovës veçse ka aplikuar dhe synon të anëtarësohet. Kosova dhe populli i saj qëndron në mbështetje dhe solidaritet me Ukrainën dhe popullin ukrainas”, thuhet në njoftim.
Kurti e falënderoi deputetin ukrainas për interesimin dhe afërsinë e tij me Kosovës, si dhe për inicimin e rezolutës për njohjen e Kosovës nga Ukraina.