Arbëri

Mehmeti: Kosova ka tregtuar energji elektrike me kompaninë GEN

Kryesuesi i Bordit të Drejtorëve të KOSTT-it, Jeton Mehmeti ka konfirmuar se Kosova ka tregtuar energji elektrike me kompaninë GEN.

Gjatë intervistimit në Komisionin Hetimor Parlamentar në lidhje me menaxhimin e krizës energjetike nga Qeveria e Kosovës, Mehmeti ka përmendur emrat e kompanive që Kosova ka tregtuar energji elektrike në periudhën e fundit.

Mehmeti tha se emrat e tregtarëve janë: GEN, Tirana shpk dhe KESh.

Megjithatë edhe pas insistimit të deputetit Ferat Shala për shtetet që tregton Kosova rrymë, Mehmeti nuk pranoi të përmend emrat e shteteve./ksp