Komandanti i KFOR-it bën thirrje për përmbajtje dhe të evitohen veprimet e njëanshme

Komandanti i KFOR-it, gjenerali Ferenc Kajari, është takuar të premten me kreun e Listës Serbe, Goran Rakiq dhe kryetarët e katër kominave veriore të Kosovës.

Në takim Kajari ka konfirmuar se KFOR-i është i përkushtuar për të garantuar sigurinë dhe lirinë e lëvizjes dhe për të parandaluar çdo eskalim. Ai po ashtu ka bërë të qartë se KFOR-i nuk është i angazhuar në aktivitete stërvitore me Policinë e Kosovës apo FSK-në. Ndërsa ka cekur se ka përcjellë me shqetësim barrikadat në veri të Kosovës më 31 korrik dhe ka rikujtuar rrezikun që situatat e tilla të tensionuara mund të kthehen në incidente të dhunshme.