Arbëri

Partitë boshnjake e duan Reçanin komunë, por zihen për metodën

 
Ky tekst është Premium por sot mund ta lexoni pa pagesë!

Partitë boshnjake kanë iniciuar një peticion, për të cilin u duhen 10.000 nënshkrime për t’u shqyrtuar nga Kuvendi. Ndërkohë, sipas Institutit GAP, kërkesat për komuna të reja deri më tash nuk i kanë plotësuar kushtet ligjore dhe ato që janë krijuar së fundi, nuk kanë dëshmuar mjaftueshëm vetëqëndrueshmëri ekonomike

Partitë boshnjake kanë kthyer kërkesën e vjetër për themelimin e komunës së Reçanit, ku do të përfshiheshin mbi 10 fshatra të Prizrenit, e ku shumica e popullsisë do të përbëhej nga ky komunitet.

Peticionit të “Nasa Iniciativa” (Iniciativa jonë) i janë bashkuar SDU-ja e Duda Baljes, Vakati i Rasim Demirit dhe ish-kryetarja e iniciativës UZ-AH, që aktualisht është nënkryetare e Mitrovicës së Veriut, Adrijana Hoxhiq. Argumenti i tyre është se boshnjakët janë komuniteti pakicë i dytë më i madh, pas serbëve.