Arbëri

LDK-ja akuzon VV-në për kapje të Universitetit të Prishtinës

 

Lidhja Demokratike e Kosovës ka akuzuar Lëvizjen Vetëvendosje për kapje të Universitetit të Prishtinës.

Të premten, Senati i UP-së zgjodhi pesë anëtarë të Këshillit Drejtues, të cilët bashkë me katër anëtarë që emërohen nga ministrja e Arsimit do ta zgjedhin rektorin e ri. Të menjëhershme ishin akuzat për politizim të procesit, pasi në votim për anëtarët e Këshillit Drejtues të Universitetit u përfshinë shtatë senatorët e rinj që përfaqësojnë studentët, pavarësisht se Statuti i UP-së thekson se mandati i tyre nis më 1 tetor.