Ministria e Arsimit, Shkencës, Teknologjisë dhe Inovacionit ka njoftuar për procesin e pjesës së dytë të Testit të Arritshmërisë.
Në bazë të raportit të nxjerrë nga informatat e mbledhura në terren, MASHTI tha se është vërejtur një avancim në procesin e administrimit të pjesës së dytë të testit të mbajtur më 14 qershor 2022.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMegjithatë, janë evidentuar edhe disa probleme në disa qendra testimit, sipas ministrisë, që tha se kanë ndodhur si pasojë e mosrespektimit të udhëzimeve të hartuara nga MASHTI.
“Problemet e evidentuara gjatë mbajtjes së pjesës së dytë të Testit të Arritshmërisë janë: mospërmbajtja e rregullave dhe udhëzimeve nga komisionerët dhe administruesit e Qendrave të Testimit; vonesa të administruesve në disa qendra të testimit dhe përdorimi i telefonave celular nga nxënësit”, thuhet në njoftim.
MAShTI gjithashtu tha se lidhur me mosrespektimin e udhëzimeve gjatë mbajtjes së pjesës së dytë të Testit të Arritshmërisë janë marrë masat adekuate ndaj 2 administruesve, ndërsa nxënësve të cilët kanë përdorur telefonin celular dhe që janë evidentuar nga administruesit, ministria njoftoi se do t’u llogariten vetëm pikët nga lëndët në pjesën e parë të testit.