Arbëri

Kosova merr sinjale pozitive për rikthim në ENQA dhe EQAR

Ministria e Arsimit
 

Karl Dittrich, president i EQAR-it, gjatë një konference për media të mbajtur bashkë me ministren e Arsimit, Shkencës, Teknologjisë dhe Inovacionit, Arbërie Nagavci, ka vlerësuar se Kosova ka shënuar përparim në sigurimin e pavarësisë institucionale të Agjencisë së Akreditimit. Duke mos e dhënë ndonjë datë specifike, Dittrich ka theksuar se Kosova mund shumë shpejt të marrë dritën e gjelbër për rikthim në ENQA dhe në EQAR

Sinjale pozitive ka marrë Kosova të enjten për rikthimin në Regjistrin Evropian për Sigurimin e Cilësisë në Arsimin e Lartë (EQAR) dhe në Asociacionin Evropian për Sigurimin e Cilësisë në Arsimin e Lartë (ENQA), pas përjashtimit në vitin 2018 për shkak të ndërhyrjeve politike në Agjencinë Kosovare të Akreditimit.

Karl Dittrich, president i EQAR-it, gjatë një konference për media të mbajtur bashkë me ministren e Arsimit, Shkencës, Teknologjisë dhe Inovacionit, Arbërie Nagavci, ka vlerësuar se Kosova ka shënuar përparim në sigurimin e pavarësisë institucionale të AKA-së. Duke mos e dhënë ndonjë datë specifike, Dittrich ka theksuar se Kosova mund shumë shpejt të marrë dritën e gjelbër për rikthim në ENQA dhe EQAR.