Arbëri

Kurti e Escobari diskutojnë për rrezikun e konflikteve të mundshme në Ballkan

Albin Kurti e Gabriel Escobari diskutojnë për rrezikun e konflikteve të mundshme në Ballkan
 

Ndikimi rus dhe rreziku i nxitjes së konflikteve të mundshme në vendet e Ballkanit Perëndimor, ka qenë një nga temat që kryeministri i Kosovës, Albin Kurti, i ka diskutuar të premten me të dërguarin e posaçëm të Shteteve të Bashkuara të Amerikës për Ballkanin Perëndimor, Gabriel Escobar, në margjinat e Forumit Ekonomik të Delfit.

Siç bëhet e ditur në një komunikatë nga Qeveria, Kurti ka thënë se si pasojë e zhvillimeve të fundit nga pushtimi rus i Ukrainës, është i nevojshëm kthimi i vëmendjes për sigurinë në Ballkan.