Kryeministri i Kosovës, Albin Kurti, ka marrë një ftesë zyrtare për vizitë në Estoni nga kryeministrja estoneze Kaja Kallas.
Kurti është takuar me Kallasin gjatë pjesëmarrjes së tij në Konferencën e Sigurisë në Mynih.
Në takim biseduan për marrëdhëniet mes dy vendeve, e po ashtu edhe për krizën në Ukrainë.
“Kryeministrja e Estonisë, Kallas e falënderoi kryeministrin Kurti dhe Republikën e Kosovës për marrëdhëniet e mira bilaterale. Për të diskutuar më gjerësisht mbi format e bashkëpunimit në fusha me interes të përbashkët, kryeministrja Kallas e ftoi kryeministrin Kurti për vizitë zyrtare në Estoni”, thuhet nga Zyra e Kryeministrit.
