Arbëri

Vuçiqi për mesazhet e SHBA-së dhe të BE-së: S’janë të lehta bisedimet për Kosovën me ata që e njohin

Foto: AP
 

Presidenti i Serbisë, Aleksandar Vuçiq, duke komentuar mesazhet që emisarët e Shteteve të Bashkuara të Amerikës dhe të Bashkimit Evropian kanë dhënë pas vizitave të fundit në Kosovë e Serbi, ka thënë se s’ka bisedime të lehta për Kosovën me ata që e njohin si shtet.

Për disa ditë, Kosovën dhe Serbinë e vizituan emisari i BE-së për dialogun, Miroslav Lajçak, dhe emisari amerikan për Ballkanin, Gabriel Escobar. Vizitën kanë thënë se e kanë bërë për të përçuar mesazhin e koordinimit për çështjen e dialogut.