Arbëri

Escobar e Lajçak kërkojnë nga Vuçiqi dialog konstruktiv me Kosovën

I dërguari i SHBA-së Gabriel Escobar dhe përfaqësuesi special i BE-së Miroslav Lajçak, pas përfundimit të vizitës treditore në Kosovë, po qëndrojnë sonte për vizitë në Serbi si pjesë e përpjekjeve për vazhdimin e procesit të dialogut.

Ata me këtë rast janë takuar me presidentin e Serbisë Aleksandar Vuçiq, të cilit i bartën mesazhin se BE-ja dhe SHBA-ja ndajnë të njëjtin vizion për procesin e dialogut dhe se përpjekjet e tyre synojnë të arrijnë një marrëveshje gjithëpërfshirëse.

Escobar dhe Lajçak shprehën mbështetjen e tyre për vazhdimin e një dialogu konstruktiv, si dhe integrimin e Ballkanit Perëndimor në BE, duke theksuar se është thelbësore për të dyja palët që t’i përmbushin të gjitha detyrimet.

Lajçak ka thënë se BE-ja dhe SHBA-ja punojnë ngushtë së bashku dhe ndajnë të njëjtin vizion për procesin e dialogut dhe të ardhmen e të gjithë rajonit në BE, duke shtuar se përpjekjet e tyre synojnë të arrijnë një marrëveshje gjithëpërfshirëse dhe zbatimi i të gjitha marrëveshjeve të mëparshme të nënshkruara.

Ndërsa, presidenti Vuçiq ka kritikuar palën kosovare “për provokime të njëanshme dhe pritje joreale nga ndërmjetësit në dialog.”

Ai shprehu besimin se vetëm me përpjekjet e përgjegjshme të të dyja palëve në dialog, mund të arrihet një zgjidhje kompromisi, dhe gjuha e përbashkët në interes të serbëve dhe shqiptarëve,