Media të shumta vjedhin materialin e KOHËS, shkelin Ligjin
Mediat që operojnë në kuadër të Grupit KOHA sot kanë publikuar intervistën me profesorin nga Vushtrria, që është bërë viral me videot e tij në platformën TikTok.
Gjatë intervistës në KTV, ai nisi të qajë teksa tregonte për problemet që i kanë shkaktuar komentet e njerëzve dhe mediave.
Këtë video dhe shkrimin përcjellës të KOHËS, media të shumta e kanë vjedhur, duke shkelur edhe Ligjin për Mbrojtjen e të Drejtave të Autorëve.
Neni 4, pika 1.9 e këtij ligji thotë se lajmet e ditës dhe informacionet që kanë karakter të raportimeve të rëndomta të mediave "mund të riprodhohen vetëm pas të kenë kaluar së paku dymbëdhjetë (12) orë nga publikimi i tyre”.
