Arbëri

Lidhjet me hetuesinë të biznesmenit, kompania e të cilit dyshohet për falsifikim

Foto: Ilustrim

Prishtinë, 30 janar- Dy lloj veprimesh, më 2020, në raport me biznesmenin Ragip Mustafa, kishte ndërmarrë Policia e Kosovës.

 

Ragip Mustafa, pronar i kompanisë “Beni Dona Plast” që hetuesia pretendon që së paku në dy tenderë ka përdorur ISO certifikata të falsifikuara, ka raporte të ngushta me zyrtarë të lartë të shtetit. Ai është i afërt me LDK-në, por në dokumente valide që i ka siguruar KOHA, emri i tij figuron në listën e udhëtimeve private me ish-drejtorin e Krimeve Ekonomike, Nazim Sahiti. E në këto dokumente del që Sahiti privatisht ka udhëtuar edhe me zyrtarë të prokurimit në PK. “Beni Dona Plast” ka fituar ndër vite miliona euro tenderë në Polici. Sahiti privatisht ka udhëtuar edhe me kryeprokurorin e shtetit, Aleksandër Lumezi, e me biznesmenë të tjerë

Prishtinë, 30 janar- Dy lloj veprimesh, më 2020, në raport me biznesmenin Ragip Mustafa, kishte ndërmarrë Policia e Kosovës.

Task-Forca Kundër Korrupsionit po e hetonte pronarin e “Beni Dona Plast” në lidhje me dyshimet për mashtrim e falsifikimin e ISO certifikatave në tenderin 8 milionë eurosh për ushqim në Forcën e Sigurisë së Kosovës, e Zyra e Prokurimit në të njëjtën kohë i dha tender në vlerë të një milion eurove për furnizim me ushqim në Policinë e Kosovës.