Pesë pacientë kanë vdekur brenda 24 orëve të fundit në Shqipëri, si pasojë e infektimit me COVID-19.
Ministria e Shëndetësisë e Shqipërisë ka bërë të ditur se gjatë kësaj periudhe kohore janë regjistruar edhe 2.156 raste të reja pozitive nga gjithsej 7.067 mostra të marra për testim.
Të dhënat e fundit tregojnë se edhe 1.685 të shëruar janë regjistruar gjatë kësaj kohe, duke e çuar në 224.193 numrin e përgjithshëm të të shëruarve nga fillimi i epidemisë.
Aktualisht, në spitalet COVID po marrin trajtim 123 pacientë, nga të cilët 10 janë në gjendje më të rëndë shëndetësore.
