Arbëri

Dyshime se shumë vdekje nga COVID-19 nuk u raportuan në Kosovë

 

Gati 5300 vdekje të tepërta janë regjistruar në Kosovë në dy vitet e pandemisë, më 2020 dhe më 2021, në raport me mesataren 5-vjeçare, sipas disa statistikave që i ka publikuar të premten internisti Driton Vela. Kjo ka shtuar dyshimet se shumë vdekje nga COVID-19 nuk janë raportuar në vend gjatë valës së parë të COVID-19.

Ai ka thënë se në vitin 2020 janë regjistruar mbi 2000 vdekje të tepërta apo 23 për qind më shumë në raport me mesataren pesëvjeçare. Për vitin 2021, kanë qenë 3200 vdekje të tepërta në raport me atë mesatare. Në përqindje viti 2021 ka pasur 36 për qind më shumë vdekje në raport me mesataren.