Arbëri

Pandemia varfëroi edhe më shumë të varfrit

 

Pandemia ka prekur të gjithë. Ka sfiduar shoqërinë e shtetin, por më së keqi e kanë pësuar ata që s’kanë pasur qëndrueshmëri të mirë ekonomike. Të varfrit janë varfëruar edhe më tej në Kosovë, sipas ankesave të vëna re nga qytetarët në Institucionin e Avokatit të Popullit.

Të martën, Avokati Naim Qelaj, derisa ka treguar statistikat lidhur me ankesat e qytetarëve për vitin 2021, ka thënë se gjendja e krijuar në pandemi ka ndikuar edhe në mirëqenien e qytetarëve dhe përkeqësimin e statusit ekonomik, duke e thelluar edhe më tepër hendekun e pabarazisë sociale ndërmjet familjeve.